المجلة العلمية اهرام مجلة مستقلة تحت إشراف هاني سلام
مقالات مشابهة
ناس كتير اتكلمت عن علاقه السفاح ب ابن الظابط
و انه مجرد إسقاط نفسي لمرحله السفاح العمريه في سن ابن الظابط و أنه بيفكره بنفسه في سن المراهقه
من وجهه نظري المتواضعة اللي بيجمع بين السفاح و ابن الظابط هو الشعور بالوحده
الاتنين بيجمعهم شعورهم بالوحده
طيب وهي الوحده تقدر تخلق سفاح معقول
اقولك طبعا
خصوصا لو عنده استعداد من الجانب الجينات الوراثية
و استعداد من جانب التربيه و ده واضح في علاقته ب أمه و علاقته ب صديق عمره اللي قتله وعلاقته بزوجته اللي قتلها و علاقته ب السمكه الوحيده اللي مربيها لوحدها في حوض سمك كبير وهو ده الاسقاط الحقيقي لشعوره
وعلاقته طبعا بالبنت اللي حابسها و بيتخيلها
الوحده تعمل كل ده
طبعا مافيش شك أن اضطراب الوحده بياكل صاحبه بيخلق جواه اوهام و سيناريوهات مش موجوده ع ارض الواقع ويمكن مستوحاه من الواقع بيترجمها بشعوره المكبوت اللي مش قادر يواجهه ع حقيقته لانه شخص ضعيف هش جبان مجرم
الوحده والانعزال هي موت محتم البني ادم حياه بدون ونس بدون روح بدون مشاركه بدون دعم بدون احتياج و إشباع متبادل مع الأشخاص اللي في حياته
فراغ عقلي و شعوري و انطفاء للروح
زياده في حجم المشاكل النفسيه وتفاقمها
زياده لتعزيز السلوكيات السلبيه للشخصيه بشكل متوحش
زياده في الخروج عن النمط الطبيعي لشكل الحياه اللي ربنا خلقه البني ادمين
وهو الدمج في العلاقات لتحقيق هدف وجود الإنسان ع الأرض
الوحده تقدر تخلق مراهق بيعاني من مشاكل نفسيه
ادمان/ كذب / سرقه / عند / عصبيه / رفض لولي الأمر / توتر / انحراف / علاقات سامه / اكتئاب / إنكار
وده بالنسبه لابن الظابط
خصوصا بعد صدمه وفاه الام
ماتشجعوش بعض ع الوحده و تجرو ورا هري البوستات و الراحه في اعتزال الناس
لأن كل ده مؤذي و ضد الطبيعه البشريه
واستنو تحليل الحلقات …….
بسمه سامي فاروق
