أخبار عاجلة

نصائح لتجهيزات الدراسه منذ أول يوم

الجزء الاول

 

بعيدا عن المصاريف و الكتب و السبلايز و الهم ده كله

تعالو نشوف الأهم

تفتكر ايه يخلي الطفل مش واثق من نفسه وسط أصحابه و طبعا ده بياثر ع أدائه وتحصيله الدراسي و علاقته ب زمايله

 

المدرسه هي جزء من مجتمع طفلك اللي بيظهر فيه حصيله تربيتك ليه

واختيارك لمدرسه اعلي من امكانياتك و مستواك الاجتماعي والمادي بياثر ع ثقه طفلك بنفسه و صورته الذاتيه

 

١- اسلوب التربيه و معامله ولي الأمر للطفل

اي سلوك سلبي بتمارسه مع طفلك بيظهر تأثيره عليه في المدرسه وسط زمايله وبياثر ع ثقته بنفسه و أنه مايستاهلش أنه يتحب من زمايله

وده موجود بتفصيل اكتر في مقال ع الجروب

 

٢- المشاكل الاسريه مشاكل الاب والام الطفل بينفس عنها مع زمايله أما انه يحكيها أو يظهر عليه سلوك غير سوي زي التنمر أو العنف أو حاله اكتئاب و انطواء وده بياثر ع ثقته بنفسه وأنه السبب أو جزء من المشاكل دي

 

٣- سياسه اللي يضربك اضربه اللي لا تنتهي من ثقافتنا في اطفال مش بتعرف تضرب أو تاخد حقها وده بياثر ع ثقته بنفسه وأنه ضعيف و عاجز

 

٤- عدم اهتمامك بمظهر طفلك كفايه لما يروح لبسه أوسع منه نمرتين ولا منكوش ولا لبسه مش مكوي ولا شنطه و الشوز مش نضاف كفايه بياثر ع ثقته بنفسه وأنه أقل

 

٥- عدم اهتمامك بادواته المدرسيه لو أدواته مش كامله او متبهدله أو ناقصه أو مش متحضره بياثر ع ثقته بنفسه وأنه مقصر

 

٦- اللانش بوكس اعمليله المناسب والمفيد احنا بقينا نتمنظر باللي جوه اللانش بوكس مش المفيد للطفل

صعبناها علينا اكتر و جينا علي الغير مقتدر وبالتالي هياثر ع ثقته بنفسه وأنه مختلف

 

٧- عدم تدخلك لو طفلك اتعرض لاي موقف سلبي و اهمالك ليه أو لومك ليه أو عصبيتك عليه

هيحس انك خذلته و انت مصدر امانه و قوته وهيحس انك ظلمته و همشته وبالتالي هتقل ثقته بنفسه و هيزيد شعوره بالوحده و الغربه

الافضل أنه لو مظلوم و عشان تتجنب شعوره بقله الثقه انك تصمم ع رد اعتباره و الاعتذار ليه من قبل الطفل أو المدرس اللي اتعرضله

 

٨- تدخلك في أموره الشخصيه مع أصحابه و تنظيرك الدائم علي علاقتهم هيقلل ثقته بنفسه و هيحس أنه بيبي موجه منك ومقيد

سيب الاطفال تتعامل مع بعض و خليك انت متابع من بعيد وتدخل وقت اللزوم بنصائح ولبس أوامر

 

٩- منعك من ممارسته لاي انشطه تساعده ع المشاركه والدمج و التفاعل مع زمايله

زي اللوحات أو نشاط مدرسي أو رياضي أو ترفيهي

لانك قررت أنه مش مهم أو مافيش داعي منه أو مكلف

هيقلل ثقته بنفسه وهيحس أنه مهمش مالوش تأثير

 

١٠- مقارنتك ليه بشكل دائم بينه وبين زمايله و درجاته و مستواه الدراسي و عدم تقديرك ل مستواه و استيعابه و نسبه ذكائه

بيشكل ضغط نفسي كبير ع الطفل و بالتالي ضغف الثقه بالنفس و عدم الثقه في امكانياته و مهارته

 

افتكر دايما

المدرسه هي عالم مصغر لطفلك

هيعيش فيها عدد ساعات اكتر من اللي هيقعدها في البيت

ف هيحتاج يحس أنه محبوب مؤثر مندمج فعال حر مميز بني ادم كامل

ليه أفعال وليه ردود أفعال مش مجبر مش مسير

 

تاني حاجه الاطفال مش بيقدرو يميزو في السن ده قدرات بعض و لا يحسو بظروف و اختلافات بعض

ف هنا دور البيت أساسي و محوري في تعامل الطفل مع زمايله ده مش هيتعلمه من المدرسه ولا في اي مكان غير البيت ولا من اي شخص غير ولي الأمر

 

ف رحمه منك لاي طفل مختلف أو صاحب همه معينه او قدراته أقل من اطفال تانيه

انك تربي طفلك ع الرحمه و الانسانيه و الشعور بالغير واحترام الآخرين

في أشخاص بيعيشو طول عمرهم تحت تأثير معانات حصلتلهم من زمايلهم في المدرسه

 

بتمنالكم عام دراسي موفق

و نكمل باقي مقالات تجهيز الدراسه

قولولي رايكم ك العاده في المقال

هل مفيد ام لا

هل واقعي ام لا

 

بسمه سامي فاروق

بسمه سامي فاروق
بسمه سامي فاروق

عن هاني سلام

شاهد أيضاً

أ/رشا طه احمد

كيف تأهل الطالب للدراسه بعد الأجازه

كتبت رشا طه مع اقتراب انتهاء الأجازه الصيفيه وبدء العام الدراسي الجديد يستعد الطلاب للعوده …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.