المجلة العلمية اهرام مجلة مستقلة تحت إشراف هاني سلام
مقالات مشابهة
#طاقتك_مهدره
بتحس انك ماعندكش طاقه تعمل حاجه طول اليوم
طاقتك مستنزفه / تعبان/ مصدع/ همدان/ محبوس ومتقيد
اقرأ المزيد
تفتكر ده سببه ايه
تعالو نعرف
اسباب استنزاف طاقتك واهدارها طول اليوم
١-تجاهل مشاعرك
تربيتنا فرضت علينا تجاهل مشاعرنا و كبتها وعدم التعامل معاها بسبب عدم وعي الأهل زمان
دلوقتي الوعي اكبر نوعا ما
تجاهل مشاعرك وعدم مساعدتك لنفسك مصدر لاستنزاف طاقتك
حاول تفهم مشاعرك وتعرف تتعامل معاها و تسمع صوتك الداخلي ولو ماعرفتش أستعين بمتخصص نفسي
٢-رغبتك بالسيطره علي كل شئ
مقدره انك بتحاول تسيطر علي الاخر بهدف اصلاح أحوالهم وتغييرهم وتغير الوضع بينكم للأفضل
لكن باب السيطره ده بيوتر اي علاقه
علاقه ام او اب باولادهم
علاقه زوج بزوجته أو زوجه بزوجها
علاقه ٢ أصحاب ببعض
اي علاقه داخلها هدف السيطره بتتوتر وتبوظ علي المدي الطويل
الافضل انك تسيب الطرف التاني حر التصرف ويتعلم من اخطائه
٣_العيش في الماضي أو المستقبل
للاسف أغلبنا بقع في فخ الذكريات أو التفكير الزائد في مستقبله والوضع علي المدي البعيد
وده بيكون بسبب تجارب مؤلمه عاشها أثرت فيه بشكل كبير
الفخ ده بيسرق منك متعه الحياه في الحاضر
وده بيحتاج تمارين معينه تساعدك انك تعيش دلوقتي في اللحظه الحاليه
٣_البقاء في علاقات مؤذيه
كتير مننا بيفضل متعلق في علاقه مؤذيه بوعي أو بدون وعي
وده بيكون بردو نتيجه صوره الذاتيه أمام نفسه
شخص مر بظروف معينه أثرت علي شخصيته وعلي علاقته باللي حواليه
شخص بيدور علي القبول والاطمئنان و الامان و خايف يخسر علاقاته المؤذيه رغم وعيه بيها وده نوع من أنواع التعلق ونوع من أنواع الخوف المرضي
عشان تتخلص من علاقات مؤذيه بتستنزفك عليك انك تعرف ازاي تشتغل علي ثقتك بنفسك و تقبلها ومعرفه وضعك الحقيقي و مقاومه خوفك وتأثير اي تحارب مؤذيه مريت بيها قبل كده
٤_الرغبه بمساعده الآخرين
الأشخاص اللي حواليك بيلعبو دور الضحيه اغلب الوقت دول أشخاص بيسرقو طاقتك وسعادتك ابعد عنهم
مش دورك انك تصلحهم أو تغيرهم
٥-الاهداف والامنيات بدون سعي
الطموح بدون سعي زي الشغله اللي بتحرق سلامك و هدوءك واستقرارك الداخلي وانت مش واخد بالك
تعبان و مرهق ومش عارف ليه
بتفكر كتير في مستقبلك وطموحك ولكن مابتتقدمش ولا خطوه في تحقيق أحلامك دي
ايه اللي هيحصل افكارك هتاكلك حرفيا
الافضل انك تقسم افكارك وتكتبها وتعمل خريطه ذهنيه بكل أهدافك و تقسمهم لخطوات صغيره
اشتغل على خطوه خطوه هتحقق حلمك و هتحقق هدوء واستقرار نفسي وتوازن ليك
بسمه فاروق
