مقالات مشابهة
الدفء الأسري = التفكك المجتمعي
يعيش الانسان حياه طويييييييله يتعلم يشتغل يتجوز يخاف يكون صداقات يسافر يكبر في مجاله و يكونله شأن عظيم و هيبه كبيره
و يظل اسير شعوره بفقده للدفء الأسري و الترابط العائلي
بعد دراسه كثير من حالات تعاني من فقد الدفء الأسري
اكتشفت
أن الإنسان مهما حقق من نجاحات و انجازات يظل اسير لنقطه ضعفه المستقرة في أعماقه وهي فقده للعائله
اي طفل في مرحله طفولته بيكون محتاج يحس أنه مميز في عين أهله أنه شاطر أنه مبدع أنه مختلف أنه يعتمد عليه و صاحب مسؤوليه
وده بيشبع عنده من خلال دعم أهله ليه لفظياااا و معنويااا و بكل الطرق الممكنة في حاله أن أهله ناس واعيه و مثقفه كفايه ومدركه لاحتياجاته النفسيه
الكلام ده ينطبق علي اي طفل …؟
طبعاااا
طيب انا كبرت اهو وماعنديش المشاكل دي ولا مآثر فيا الكلام ده
طيب كده محتاجين ندردش شويه عن طفولتك و عن اسرتك و عائلتك عشان تكتشف معايا نقطعه العمق اللي اتردمت من زحمه و مسؤوليات الحياه و طريقه تعاملك النفسي مع مشاكلك
يعني أنا عندي مشكله
اه طبعا مشكله كبيره كمان
امتي مايكنش عندك مشكله في النقطه دي
لما تقولي يا استاذه بسمه انا اهلي ناس واعيه و كانو بيعاملوني بطريقه سويه ف بالتالي طلعت جوه اسره مترابطة وعيله كبيره مترابطة
أو
يا استاذه بسمه انا كنت بعاني فعلا من المشكله دي واشتغلت علي نفسي واتبعت نظام التعلم الذاتي وقدرت أتجاوز مشاكلي و اسلوب حياتي اتغير مع أسرتي و مع اولادي و مع علاقاتي الاسريه بشكل أفضل و الي حد ما حققت الترابط العائلي اللي يرضيني
لكن الإنكار ده مشكله كبيره حرفيا محتاجه تحليل ودراسة حاله
الحالات اللي تمت دراستها كانت فوق ال ٦٠ منهم شخصيات محققه نفسها علي المستوي المهني
ولكن بيعانو من تفكك الاسره و عدم إشباع مشاعر الطفوله بشكل يرضيهم
تعالو نشوف ايه النقط اللي بتعزز شعور الفقد الأسري
المشاكل الزوجيه
تعنيف الطفل و ضربه و سبه
التمييز بين الاخوات ( الولاد والبنات )
حرمان الطفل من الدعم النفسي والمعنوي
وصفه بالفاظ محرجه
تهزيقه قدام الناس و خصوصا القريبين زي الاخوات والأهل و الاصحاب
حرمانه من التعبير عن نفسه وعن مشاعره
الاستهتار بكلامه
حرمانه من الدعم النفسي وقت نجاحه وتميزه
كبت مشاعر الابداع و الموهبه
بناء حاجز نفسي اساسه الخوف بينه وبين الاب / الام
حرمانه من تكوين صداقات دايمه
فقدان الدفء الأسري وده سمه مجتمع كامل يقل فيه الترابط الأسري
حتما بياخدنا للتفكك المجتمعي
المجتمع بيدا بالاسره
الانسان بيتخلق بشخصيه ربنا وهبهاله طريقه التربيه و رد فعله ليها هي اللي بتحدد مصير حياته بعد كده و بالتالي معاناته النفسيه لو كانت تربيه غير سويه و بالتالي علاقات غلط زواج غلط ولي أمر غير مناسب لأولاده وبالتالي معاناه نفسيه مدي الحياه
الي أن في اي محطه من دول ربنا يرزقه بالوعي الكافي وينور بصيرته تجاه مشاكله ف يلجأ لمتخصص نفسي او التعلم الذاتي و يبدأ بخطه علاجيه يشتغل علي نفسه و يوصل لهدفين
هدف التعافي النفسي وهدف تحقيق حياه أكثر سعاده وأكثر استقرارا
بالتالي أصبح شخص سوي ناضج مثقف صديق سوي شخص ناجح في مجاله شريك حياه مناسب و سعيد و ولي أمر قد المسؤوليه و معاناه نفسيه أقل كتير
يقدر يتعامل مع اي انتكاسات نفسيه بشكل سريع واعي
لكل شخص مر بالمشاعر دي وعايش فقدان الدفء الأسري
المقال ده ليك
انت مش لوحدك اللي حاسس بالمشاعر دي كتير من الناس حواليك عندهم نفس المشكله بتنعكس في سلوكياتهم محتاجه متخصص نفسي لتحليلها
ف دورك تكسر الدائره و تبدأ بنفسك وتكون قدوه لكتير غيرك
المشاعر اللي فقدتها تقدر تكتسبها وتشبعها من اللي حواليك لما تقدملهم انت الدفء و الاحتواء و القرب و الطبطبه في زمن يصعب فيه الشعور بالآخر بشكل حقيقي مش مزيف
#اني_قريب
#بسمه_سامي_فاروق
