الرئيسية / التعليم / التعليم: تتلقى أراء طلاب الصف الأول الثانوى فى شكل الأسئلة الجديد

التعليم: تتلقى أراء طلاب الصف الأول الثانوى فى شكل الأسئلة الجديد

مجدى مدحت

أعلنت وزارة التربية والتعليم والتعليم الفني، عبر صفحتها الشخصية بموقع التواصل الإجتماعى فيس بوك، عن تلقيها لأراء طلاب الصف الأول الثانوى العام حول شكل الأسئلة الجديد للنظام الثانوي المعدل.

وقالت تهتم وزارة التربية والتعليم والتعليم الفني برأيك في شكل الأسئلة الجديد للنظام الثانوي المعدل. إذا أتممت التدريب على الامتحان بنجاح، قم بترك رد أو التواصل معنا عن طريق الرسائل الخاصة.

وللتواصل مع صفحة وزارة التربية والتعليم سيكون من خلال الرابط التالى من هنا

عن مجدى مدحت

16 تعليق

  1. الامتحانات الصراحة تعجيزية ودي مش كلمة وخلاص لا فعلا
    العربي مثلا شعراء وكتاب لم نسمع عنهم من قبل كأن المفروض مدرس حاجة و يجيبوا في الامتحانات حاجة تانية
    طيب بندرس منهجنا ليه
    وأسئلة المعني و عنوان الفقرة والمغزي اجاباتهم متقاربة متشابهة بحيث لا تعرف الإجابة لا اذا كنت تعرف نية الكاتب لان للاسف الإجابة الصحيحة لا يعلمها الا من وضعها .. البيولوجي أيضا لم يتم التدرب علي مثل هذى الأسئلة كسؤال عامل ريسوس و حالة كلاينفلتر و الجينات المميتة .. الشرح والمنهج كله علي قديمه لماذا يتم تغيير اسلوب الأسئلة فقط دون تغير باقي أطراف المنظومة
    الجغرافيا كمثل المدرسين نفسهم متحيرين مختلفين في إجابات معظم الأسئلة وسؤال التعداد السكاني مثال علي ذلك و سؤال الوادي الجديد وسؤال الهجرة للتعدين و….
    يا فندم الامتحان لابد من تدرج مستوي صعوبة الامتحان العادي والمتوسط و الممتاز لكن بذلك الوضع لن ينجح سوي ٥ % من طلبة هذا العام
    وأخيرا الانجليش يكفينا رأي توجيه الانجليش في كل المحافظات و تعليقك ان الأسئلة كأنها اختبارات الكورسات لم التوفيل وليس طلبة اولي الثانوي
    الامتحان المعقول يعتبر الألماني والفرنش وذلك احقاقا للحق..
    المشكلة ليست مشكلة تاب ولا سيرفر ولا نت المشكلة نوعية الأسئلة التعجيزية ال اجاباتها الصحيحة لا يعلمها الا من وضعها … حراااااام

  2. نور عبد اللطيف

    هذه الامتحانات لا تمس المنهج بصله و المدرسين بيتخانقوا علي انهي الإجابة الصح فكيف لنا ان نجيب عن هذه الأسئلة

  3. احمد ابىاهيم خالد

    اسئلة تعجيزيه في معظم المواد وخصوصا الانجليزي . الترجمعة عاوز خبير مالي يترجمها وكذلك القطعة واسئلتها ده غير الجغرافيا واللي فيها .. عاوزين الاسئلة من المنهج اومال عاملين منهج ليه . لما تكمل المنظومة ونفهم انتم عاوزين ايه ابقوا طبقوا النظام احنا اتظلمنا السنة دي لا تدريب ولا تجريب حرام اللي بتعملوه فينا جالنا احباط

  4. الاسئله تعجيزيه
    كل خلفيتنا كانت من المناهج الى درسناها و اتعودنا عليها المفروض انى متفوق و مكنتش بعرف احفظ و فرحت بالنظام لان تخيلت الى حذاكره حيجى فى الامتحان لكن للاسف كل الى بذاكره بيجى له اختيارات نفس المعنى الى فاهمه مش مستوى طالب بيتعلم لسه ده مستوى دكتور فى الماده نفسها و نال تعلمها بالفعل
    ارجو استمرار النظام مع تغيير الامتحان يجى مباشر من المحتوى الى بنذاكره مش فوازير
    مع العلم تابعت فيديوهات بنك المعرفه و حليت اسئلة الدروس عليه

  5. الامتحان كان صعب بس الأسئلة كلها بتعتمد علي المستويات العلية في التفكير محتاج يبقي أقل صعوبة بذات في الانجليزي لأن القطعة كانت لا تفهم والوقت يتمدد وكمان في حاجة انا باخد وقت عبال ما اكتب علي آل keyboard فدة مش عدل بين الناس اتمني انة يبقي ورقي عشان اعرف اكتب بسهولة حتي لو نفس الامتحان بس لازم يبقي أسهل بكتير

  6. محمد هاني ابوزيد

    الامتحانات صعبة جدا جدا والله انا ابني مبيقوم من على الكتاب وهو الأول على مدرسته طوال السنوات الا فاتت والأول على إدارة أكتوبر فسنة سته والصف الثالث الإعدادي بياخد معظم الدروس والله حرفيا نفسيته محطمة لما تقريبا معرفش يحل أكثر من نصف امتحان العربي وامتحان الجغرافيا معرفش يحل فيه غير أربعة خمس أسئلة فقط والله هذا تعجيز لو عاوزين التابلت خدوه وخدوا تمنه كمان فوقه بس متحطمش عيل طول حياته يذاكر عشان نفسه يبقى دكتور دلوقتي بقي مرعوب يسقط سيب الولاد دول على إلا طلعوا بيه وطبقه على الصغار

  7. اسئله تعجيزيه خارج المنهج فوق مستوى الطالب المتفوق حتي المدرسين لم يستطيعوا حلها

  8. احنا ازاي دلوقتي مستقبلنا كله يتوقف علي زرار يعني انا وانا بحل وكنت قربت اخلص دوست علي حاجة غلط راح طلع من الامتحان خالص ده غير مستوي الامتحان الي مش من هنا اصلا يعني انا كنت متفوقة وكان حامي كله طب دلوقتي انا ادمرت وقولت خلاص ادخل ادبي ده غير ان احنا مجربناش تجربة حقيقية والتجربة دي هتبقي في اخر امتحان الي هو بنجاح وسقوط فعلا الدفعة دي ادمرت تدمير كلي وامتحان الانجليزي مش في مستوي اي طالب خالص يعني

  9. دا نظام فاشل فعلا الامتحانات صعبه جدا و محدش عارف يحل و الامتحانات دي لو جت ف اخر السنه يبقا هنسقط و النظام مش عارفين تطبقوا صح احنا عاوزين اسئله من المنهج عشان نقدر نحل في مستوي الطالب المتوسط مش اسئله احنا اصلا مش فاهمينها المفروض تجيب اسئله تمشي مع قدرات طالب في اولي ثانوي مش تجيب اسئله تعجزه انه يحل اصلا انتو بتكرهونا في التعليم والله
    #النظام

  10. حقيقي الامتحانات صعبة جدا وصلت لدرجة تعجزنا حرام عليكم بجد . اقسم بالله احنا كان عندنا احلام رائعة وبالنظام الجديد بقي كل حلما اننا ننجح وخلاص حتي منتفوقش . عايز تجيب اسئلة صعبة يبقي تتقلل المنهج . مينفعش تديني كل الكم دة وكمان تديني اسئلة صعبة كدة كتير وحرام. علي الاقل يبقي في دماغي منهج بسيط بس اقدر افكر فيه بكل سهولة .

  11. الامتحانات صعبه جدا ومش من المنهج في اسئله حلوة معتمده على التفكير فعلا وفي اسئله تعجيزية صعبه جدا النظام حلو جدا لو اطبق صح والولاد اتدربوا على نوعيه الاسئله دي ياريت يكون في تعليمات للمدارس انهم يستخدموا التابلت ويتدربوا على امتحانات مشابهه ويبقى في تفاعل فالمدرسه

  12. اسئله تعجيزيه مليون بالميه كلنا اشتركنا في حل امتحان اللغه العربيه وبرضوا معرفناش نجاوب وبعدين عمر الطالب لا يتجاوز ال١٦ عام من اين له بكل هذه المعلومات الغريبه اللي يتطلب منه الاجابه عنها ده غير أن المدرسين نفسهم غير مدربين علي نوع الاسئله دي يعني ده اجتهاد كامل من الطالب كده حرام كل الاسئله من الفضاء خارج نطاق المنهج نرفض نوع الاسئله الجديد

  13. اﻹمتحانات صعبة وغير متداولة ومحتاجة لكثير من التدريب

  14. اولا النظام دة مينفعش عشان التابلت دة مجرد جهاز ممكن في اي لحظة اطلع ويبقي ضاع علية الامتحان وغير كدة ازي ثانوية عامة سنتين انتوا كدة بتحملونا استرس وفلوس لعائلتي كتيرة غير تصليح التابلت لو حصل حاجة لية وكمان مش هينفع تبقي علمي علوم ورياضة في نفس الوقت لأن انتوا هتكلفوا اهلي فلوس دروس كتيرة غير اني مفروض اروح المدرسة يعني تعب لية من كل حتة يعني انا كان حلمي ادخل كلية حاوة انتوا بتكسروا أحلامنا بجد انا كان نفسى اطلع حاجة مفيدة دلوقتي انا أقصي حلمي اني اعدي السنة مش عارفة اذاكر اية ولا اية انا تعبت بجد النظام دة مش ممكن يكمل لانة اسئلتة ميقدرش حد في سننا انة يحلها لانة مكنش عاندة معلومات وهو صغير لازم يبدأ النظام دة مع الأطفال مش في سنةتحدد مستقبلي دة طبعا غير أن في ناس قررت تدخل أدبي بعد ما لقت الأسئلة في المستوى دة يعني اية اطلع من امتحان انجليزي فية كمية كلمات عمري ما قرئتها في حياتي ومش فهمة لغاي دلوقتي بيتكلم عن أية دة حتي المدرسين مش عارفين يحلوة تقريبا المدرسة كلها معترضة علي النظام

  15. الامتحانات تفوق مستوياتنا جدآ معناها كده اللي كان ناوي يدخل ادبي ومش بيفهم و بيحفظ هيعيد السنه النظام حلو وعاحبنا بس سهلوا الاسئله شويه علي مانتعود

  16. اميره مطاوع

    امتحانات تعجيزية وصعبة جدا خارج المنهج لايستطيع حتي الطالب العبقري حلها ولاحتى المدرسين كيف لهذه النوعية من الاسئله نفاجا بها الطلبه بدون تدريب للمدرسين وللطلبه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *