الطفل الزنان
الطفل الزنان

بالفيديو كيف تتعامل مع الطفل الزنان

كتب أ/ رشا طه احمد
أخصائي تعديل السلوك الاطفال والمراهقين

كيف تتعامل مع الطفل الزنان ؟؟

لازم نبقي محددين الاول اننا بندور علي حل للمشكلة في الوقت الحالي وبندور علي زرع صفة طولة البال والاصرار عند الطفل عشان ينفعه طول حياته
ما علاقة الزن. بزرع صفة طولة البال والاصرار وزيادة الارادة اولا
ما معني طفل زنان؟؟

يعنى طفل متعلمش الصبر وعدم القدرة على الاستحمال فبالتالى عند اعتقاد انه للما يبقى محتاج حاجة لازم تبقى امامه فورا .. ولو متوجدتش امامه فى نفس اللحظة بيستخدم اساليب كتيرة مثل:

* الصراخ والعياط المستمر
* احراجك بالطلب امام الاخرين
*الشكوى ومحاولة اخذ استدرار شفقة الناس
*الإرتماء فى الارض او ايذاء نفسه..

العلاج

1.     التجاهل التام للصراخ والزن والتدرب على امتلاك الاعصاب .. ولازم تعرفى الطفل ان طول ما هو بيبكى او بيزن انتى مش هتركزى فى اى كلام بيقولوا ابدا ومش هتستجيبى ..

2.     مثلا الطفل طلب منك فلوس يشترى حاجة .. بلاش فى وقتها تستجيبى عرفى الطفل انك هتخلصى اللى فى ايدك وهتخليه يشترى زى ما طلب ..

بس بشرط يصبر لحد ما تخلصى شئ معين او حاجة معينة انتِ عايزة يصبر عليكى فيها .. وكل ما يزن بعد ما عرفتيه السبب تجاهلى زنه خالص.. ووقت ما يفقد الامل اشتريله اللى وعدتيه بى المهم انك تعرفيه انك فاكرة طلبه لكن مش هتنفذية فى نفس اللحظة ..

3.     وضع قواعد تشتمل حدود طلبات الطفل مثلا تحديد وقت للعب وعدد ساعات معينة وايام معينة للخروج على فكرة وضع القواعد دى بتزيد الطفل احساسه بالامان لكنه بيفضل يتحدى القواعد دى لحد ما يختبر ثباتك عليها وهل هتقدرى فعلا تنفذيها ولا لاء..

4.     اتفقى برضة مع اللى حوليكى انهم يلتزموا بالقواعد دى .. يعنى ميجيش الاب يضيع تعبك كله بحجة انه مبيحبش يحرم طفله من حاجة لازم القواعد دى تبقى واضحة جدا ليكى ولكل من يتعامل مع الطفل ..

5.     فى البداية كل اللى هيقدر يعمله هو الزن اكتر وكل اللى تقدرى تعمليه هو انك تبقى ثابته على مبدئك .. لحد ما يوصل لعلقه رسائلة انه مهما زن ماما مبتستجبش للبكائه ولا صراخه .. بعدها هتلقيه بقى بيفكر فى حيل تانية غير الزن يقنعك بيها لتنفيذ رغباته ..

6.     تجنبى تعنيف الطفل وضربة اثناء الزن لانه حتى لو سكت بسبب ضربك بس ده بيترك عواقب وخيمة فى شخصية طفلك .. ودايما اتعمدى بعد ما يخلص زن تفهميه ازاى يطلب المرة القادمة بشكل مهذب عما سبق..

7.     تعبيرات وجهك وتحركات جسدك لازم تدل على الحزم والثبات .. بلاش التعبيرات اللى يفهم منها انك خلاص قربتى تزهقى فيفهم انه يزن اكتر عشان تزهقى بشكل اسرع فتنفذى اللى هو عايزه..

8.     اشكرى الطفل وقت ما يقلل من زنه او اى تغيير بسيط حصل فى موضوع الزن..

9.     بلاش اسلوب (هو كده) لازم تبررى لطفلك السبب وبعد ما تعرفيه السبب تتركيه يفعل ما يشاء لكن بعد ما تعرفيه سبب رفضك .. يعنى مثلا انت لسة واخد فلوس من شوية .. لاء عشان مش ده معاد اللعب بتاعك وهكذا ..

10.  ابعدى انك تضعى الناس فى حساباتك بمعنى انه لما يطلب حاجة قدام الناس تنفذيها عشان محدش يقول عليكى بخيلة مع ابنك انتِ مش محتاجة تبررى كرمك على اطفالك وتذكرى دائما انك بتزرعى قيم ومبادئك فى عقول طفلك فلا تبالى بكلام الناس .. وبرضة التزمى بالقواعد اللى اتفقتى عليها مع طفلك لتحقيق احتياجاته فى الوقت المتفق عليه ..

 

عن هاني سلام

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: