مقالات مشابهة
كتبت بسمة فاروق
نبته وبذره الإدمان بتكون نتيجه احتياجات نفسيه للإنسان لم يتم إشباعها
كل شخص وكل حاله وليها أسبابها الخاصه
نتيجه احتياجاتهم النفسيه و اساليب تربيتهم ونشأتهم و الصراعات النفسيه والاضطرابات النفسيه اللي اتكونت جواهم في سن الطفوله والمراهقيه بالتحديد
وبسبب مواقف وأشخاص اثرو في حياتهم سواء بالسلب أو الإيجاب
الاحتياج بمعني ايه
شعور نفسي جواه بيحتاج يشبعه ويحس بيه
زي الشعور بالأمان الشعور بالحب والقبول الشعور باني مؤثر وليا دور مع اللي حواليا
شعور باني مرتاح في علاقاتي مع اصحابي مع المقربين ليا زي شريك الحياه والأهل والأصدقاء
شعوري اني محقق ذاتي ومعتمد علي نفسي
الشعور بالثقة وده الاكثر انتشارا في الاحتياجات خصوصا في سن المراهقه
الشعور بالفهم افهم واتفهم عمليه متبادلة
مش انا في وادي واللي حواليا في وادي تاني
ومافيش نقطه للتواصل وده بردو في سن المراهقه و في حالات الزواج الاكثر انتشارا
الشعور بالاحتواء
وغيرهم
بشكل خاص يحتاج لتشخيص
اكتر الأشخاص عرضه للإدمان هم
اشخاص بيعانو من فرط الحركة وتشتت الإنتباه
اشخاص بيعانو من الشعور بالوحده والانعزال
اشخاص بيعانو من الاكتئاب
اشخاص بيعانو من التوتر والقلق
اشخاص بيعانو من الفصام
اشخاص بيعانو من تدني الذات
وغيرهم من الاضطرابات
بشكل عام
اشخاص بيعانو من الشعور بعدم الأمان والاستقرار والاهتمام
اشخاص بيعانو من التنمر
اشخاص بيعانو من الرفض المجتمعي
اشخاص بيعانو من الشعور بالفشل و عدم تحقيق أي نجاحات
اشخاص بيعانو من إعاقات بدنيه
اشخاص بيعانو من المشاكل الاسريه
اشخاص بيعانو من المشاكل الزوجيه
اشخاص بيعانو من أعباء وكثره المسؤوليات
اشخاص بيعانو من عدم التكافؤ الفكري مع المحيطين
ايا كان نوع الإدمان
ف الاحتياج و وعدم أشباع الشعور الداخلي النفسي للشخص هو الأساس في التعافي
العلاج النفسي هو الأهم والأشمل بعده الدوائي
الجذور والاهتمام بعلاجها هو اللي هيوصل الشخص للتعافي
الأسباب الحقيقية التي تسببت في وصوله للإدمان
الإدمان مش بس ادمان المواد المخدره
هناك انواع كثيره تندرج تحت مسمي الإدمان
ادمان سلوكي وإدمان مادي
ومنهم
ادمان السوشيال ميديا
ادمان الشغل
ادمان الاكل ( حلو او حادق )
ادمان المشروبات ( كافيين أو كحول أو الغازيه ) الاكثر انتشارا
ادمان السجائر
ادمان العزله
ادمان التنمر علي الآخرين
ادمان التصوير
ادمان لبعض الاشخاص والتعلق بهم
ادمان كثره الكلام ( الرغي )
ادمان الالعاب ( playstation ) الاكثر انتشارا
ادمان التمرين
ادمان مشاهده الافلام الاباحيه
ادمان العاده السريه
ادمان الشذوذ الجنسي
ادمان التحرش
ادمان الشراء
وغيرهم
الإدمان هو الإفراط في شئ لتعويض نقص نفسي داخلي اعاني من فقده
باختصار هي عمليه إحلال
حاجه بتحل محل حاجه
ظنا مني أنها ستعوض ما ينقصني
والحقيقه
بعد التعود علي الإفراط من السلوك اللي أصبحت مدمناه
أو الماده اللي أصبحت مدمناها
بكتشف انا ك مدمن
انه مجرد هروب عن أنه تعويض
هروب وبس من المواجهه
من دوري في المقاومه وحل المشكله الرئيسيه
اكتشف أن التعافي صعب ولكنه مش مستحيل
اكتشف أن القرار قراري وانا صاحب القرار
اكتشف ان هنتكس كتير بس ده مش هيمنع محاولاتي في التعافي
التعافي لازمله خطه بديله
لنفس المنهج
إحلال لنوع الإدمان اللي بعاني منه
لازم اخلقله بديل يشجعني ويشدني للتعافي
اقرب من ربنا
اقرب من أشخاص تساعدني
الجا لمتخصص يساعدني
أخلق خطه جديده شيقه تشبهني انا وتشبه احتياجاتي
مش علي مزاج اي شخص تاني مهما كان قريب
ده بيحتاج وضوح وصراحه مع النفس
أنا الوحيد اللي اعرف انا مدمن ايه وأعاني من ايه وايه البديل عشان اتعافي
والمتخصص بيساعدك
لذلك ساعد نفسك بنفسك
الجا لمتخصص
ادخل في جروب ثيرابي واتعرف علي كتير من المدمنين وحكايتهم في محاولاتهم للتعافي
قرر وابدا وخد اول خطوه في التعافي
ولو مش عارف نوع ادمانك
راقب نفسك وشوف ايه اكتر حاجه بتعملها بافراط
زياده عن اللزوم
بتاخد كل وقتك
وتضيع عليك حاجات مهمه في يومك
ايه بيسرقك من نفسك ومن اولادك و من شريك حياتك
وايه السبب النفسي ل ده
ايه نوع احتياجاتك اللي مفتقدها ونفسك تشبعها
ساعتها هتعرف انت مدمن ايه
وتساعد نفسك ازاي
عندك الشجاعه تواجه نفسك و تواجه ادمانك و تحاول تتعافي ؟؟
من وجهه نظركم
ايه أكثر انواع الإدمان انتشارا وايه الأسباب ؟؟
