المجلة العلمية اهرام مجلة مستقلة تحت إشراف هاني سلام
#فن_التجاوز
عطلان مع نفسك واقع تحت تأثير علاقه سلبيه ومتاثر بالتجربة
مش عارف تتجاوز و تعدي و تقوم من جديد
بتفكر دايما انك ضحيه و تستاهل احسن من كده
عملت اللي عليك كله في العلاقه دي و رغم كده اتغدر بيك
مافيش شك انك بتبذل جهد كبير عشان تكمل مع الناس اللي حواليك تحت اي مسمي في العلاقه
مع نصك التاني أو مع اصحابك أو اهلك او في شغلك حتي
طيب ماتيجي نفكر بطريقه تانيه ارحم و اعدل و انضج من كده
في اول العلاقه اللي دخلتها دي مش كنت مبسوط
مش عشت لحظات كتير حلوه مع الشخص ده او الأشخاص دول
مش في بينكم ذكريات ومواقف و يمكن اولاد كمان
مش في بينكم رسائل كتير حلوه ع التليفون
ليه بننسي الفضل بينا
ده ربنا سبحانه و تعالي قال ولا تنسو الفضل بينكم
احنا ليه مصممين نعيش ضحايا ع الاطلال
ماتجربو تعترفو لبعض من جديد و بينك وبين نفسك
ودي اول خطوه في التجاوز
اعترف أن اه والله الشخص ده في وقت معين شوفت منه خير شوفت معاه اوقات حلوه و ضحكت وحبيت و اتاثرت
اه حصل خلاف بعد كده او مشاكل كبيره جدا فيها مرمطه ويمكن قله اصل
بس لما راجعت نفسي واحترمت نفسي فكرت بشكل انضح يليق بيا
وقفت اي عدوان بيني وبينك عرفت أن النهايات اخلاق
ارتقيت بنفسي و بساعد نفسي و بعينها تقوم من تجديد ع نضافه
عرفت أن اي ذكريات سلبيه و اي مشاعر حزن و غضب هتعطلني هتعكر صفو قلبي و تشتت ذهني
هشتغل من غير نفس و مش هقدر احسن من مستوي شغلي وانا شخص استحق اني انجح
هربي اولادي في جو غير صحي نفسيا و هخسرهم علاقتهم مع باباهم و أهله
هحرم اولادي من عزوه العيله
ع مستوي الصداقات هحرم نفسي من ونس الاصحاب مافيش أحلي من ونس أصحاب يحبوك من قلبهم و يسألو عنك
نستاهل قوي نتحاوط بناس بتحبنا حقيقي ف كونك متأثر بتجارب سلبيه ع مستوي الصداقات و عطلان هنا
اتخلي عن مشاعرك السلبيه و شعورك انك ضحيتهم وأقوم واعرف ناس جديده العالم مليان ناس حلوه قلوبهم نضيفه
ع مستوي حياتك المهنيه فشلت في مكان جرب مكان تاني واخلق لنفسك تحديات جديده تثبت نفسك فيها
ع مستوي العلاقات العاطفيه زي ما قولت نفتكر لبعض الأوقات الحلوه حلاوه البدايات
ومش عيب نعترف أننا والله بذلنا كل المجهود أننا نحافظ ع بعض كل واحد بشخصيته وطريقته لكننا مش مناسبين حتي لو شايف أن الطرف اللي معاك ماعملش أي مجهود
الحقيقه هو بيعمل مجهود بثقافته و طريقته
العلاقات مش امتلاك
احنا احرار مش بنملك بعض
ولو دخلت علاقه بهدف التملك اللي هيخليك مستمر فيها
انت بتكتب النهايه كده من اولها
اتمانو لبعض الخير من قلوبكم
بتمناله الخير لو عاوز يبعد ويبدأ من جديد و انا كمان اقدر اتجاوز وابدا من جديد دي مش نهايه الحياه
وده لأي شخص بيتجمعني بيه اي علاقه ع اب مستوي
وده احترام لنفسي و تأكيد و ثقه ع مجهودي في العلاقات دي
و بالتالي لا اندم و لا انكسر و قلبي هيفضل نضيف بيحمل كل المشاعر الإيجابية
ولو هتقولولي يعني مش من حقنا نزعل ونتاثر
هقولكم اه ازعلو و خدو وقتكم و بشجع اي حد بيمر لمرحله انفصال في اي علاقه أنه ياخد وقته جدا في الزعل
لكن ابقي عارفه اني هقوم وعارفه اقوم ازاي
وايه اول خطوه في التجاوز
بتمنالكم التجاوز الصحي السليم
بسمه فاروق
