الاستقرار و الحب و الصدق.. بسمة فاروق

#الدنيا

الانسان بيعيش في الدنيا بيدور دايما ع الامان والاستقرار و الحب و الصدق و الانتماء و الراحه والنجاح وغيرهم
ودايما منزعج من الخذلان والخيانه و الغدر و الفشل و الغربه و الخوف و المرض و غيرهم
مع أن لو فكرت لثواني في اصل الحكايه دي
هتلاقي أن منطقيا لازم تمر وتعيش بكل موقف وحش عدي عليك
وان منطقيا في ناس اوحش منك و بتملك و بيتحققلها حاجات ماتتناسبش بالعقل مع أفعالهم
يعني حد بيعافر عشان يوصل لحاجه وفيه صفات حلوه قلبه طيب بيعيش بالحلال بيجتهد في علاقه ب ربنا و بيدعي وبيحلم يحقق أهداف معينه او امنيات معينه
ف يلاقي حد تاني ماعندوش الصفات دي والله اعلم وعنده وبيتحققله الحاجات اللي هو بيعافر يحققها
ف يخلق عنده شعور بالانزعاج و يمكن اللوم ع القدر و الحياه
مع أن منطقيا و بمبدأ أن الحياه غير عادله
هو ده العدل ب عينه
أننا في الدنياااااااااااا دار شقاء دار اجتهاد دار تعب دار امتحان دار بحث عن معدنك و ذاتك و حقيقتك و حقيقه دينك و درجته ودرجه ايمانك بالله
الدنيا لو بتنصف المظلوم و بتعاقب المنحرف ماتبقاش دنيا
تبقي جنه
واحنا مش في الجنه
ف طبيعي هتلاقي نماذج ماتستاهلش محققه و عندها خير كتير وده بإراده ربنا وحده وده نوع اختبارهم
و طبيعي تلافي حد بيجتهد يبقي حقيقي و صادق وبيعافر عنده متاعب في حياته منغصه عليه وده اختباره واراده ربنا ليه
و طبيعي تلاقي حد بيعافر و بياخد ع قد نيته في الدنيا و الاخره أن شاء الله
وطبيعي تلاقي حد مذنب بيتعاقب في الدنيا والاخره بردو
ف ياللي تعبان وياللي حيران و ياللي بتلوم القدر وشايف أن الدنيا غير عادله و ظلماك وليه كده يارب واشمعني انا وكل المشاعر اللي جوالك دي
منتهي العدل في الدنيا أنها تكون غير عادله لأنها دنيا من الدونيه
رحله قصيره مش مصيرك الابدي
مصيرك الابدي انت اللي بتحدده و حسب متاعبك هيكون جزائك
فضل من ربنا لينا أن الدنيا بكل مافيها رحله قصيره مش ابديه مش خالدين فيها و دي لوحدها نعمه كبيره لينا
تخيل لو الدنيا دار بقاء اعتقد انك هتتمني الموت الف مره و لا تبقي فيها من متاعبها
الفكره كلها أننا نحط الأمور في حجمها الطبيعي
وماننساش آنها رحله قصيره اكتر مما نتخيل
ف نهون ع نفسنا و نسيبها لله و نكتفي نحضر نفسنا و حالنا الاخره
حضر بيتك و جهزه زي ما تحب ووضبه و فكر عاوز تعيش فين و ف ايه و مع مين حياه ابديه
وايه المطلوب منك و استثمر فيه و اعمل حسابك ع تمنه وابدا ادخر و حوش المطلوب منك عشان تعيش حياه ابديه عادله ف مكان تستحقه وتحب تكون فيه الي مالا نهايه
أما الدنيا
ف نسأل الله العلي العظيم أن يرزقنا القدره علي تحملها و يخرجنا منها ع خير و يحسن ختامنا و يرزقنا الجنه اللهم امين

بسمه فاروق

بسمه سامي فاروق
بسمه سامي فاروق

عن هاني سلام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.