مقالات مشابهة
كتبت بسمه فاروق
اساس اي علاقه هو الاهتمام خصوصا في زمنا ده
الاهتمام فاق الشعور بالحب نفسه
الاهتمام علي مرئي الجميع
الاهتمام بعد جوع الاهتمام بسبب ظروف و تربيه وناس غلط
الاهتمام بهدف تصليح ما كان و تأسيس ما يكون و سيكون
الاهتمام لو مش موجود مغلف بالحب والرعايه و الاحتواء و نيه الاستمراريه
العلاقه هتنتهي بعد وهج البدايات مع اول صدمه هتنهار
العلاقه لازم تبهرك و الاهتمام هو مفتاحك الوحيد لانبهارك يليه شعورك بالأمان والاستقرار و الحب
علاقتك بنفسك لو مافيهاش اهتمام هتعاني طول عمرك من التوهه و ألم الصدمات و التشتت و العشوائية
علاقتك بشريكك لو مافيهاش اهتمام كبير جدا متبادل هتعاني من عدم الأمان والاستقرار و الاحتواء و الطمأنينة و القلق الشديد
علاقتك باولادك لو مافيهاش اهتمام هيدورو علي أقل كوالتي من الاهتمام برا
أقل علاقه حب أقل علاقه صداقه أقل كل احتياج لإشباع ما يفتقدوه لتحقيق الاهتمام و الاستقرار النفسي و الثقه بالنفس
هيعانو من القلق و التشتت و الحساسيه النفسيه
كل شئ سلبي هينعكس علي حياتهم ومستقبلهم وهيظهر في سلوكيات و مشاكل نفسيه
هتاثر علي نفسيتهم وعلاقاتهم و تعليمهم و شغلهم و اختيارتهم لشريك حياتهم و علاقتهم باولادهم
دائره لا تنتهي
تخيل كل شي بتعاني منه اولادك هيمرو بيه و لكن سلوكهم هيختلف باختلاف شخصياتهم وتأثير تربيتك ع نوع شخصيتهم
علاقتك باصحابك لو مافيهاش اهتمام حقيقي و مراعاه لخصوصيتك و مشاعرك هتفشل لو مش قائمه ع الأقل علي مصالح متبادلة ماديه أو معنوية
الاهتمام هو حجر أساس و مفتاح الاستمرارية ومفتاح التفاهم في زمن اصبح فيه الاهتمام و الشعور بالذات و جذب الإنتباه و إشباع الاحتياج النفسي وإثبات الذات من أهم الأولويات
