المجلة العلمية اهرام مجلة مستقلة تحت إشراف هاني سلام
كتبت بسمه سامي فاروق
كتير بنعدي بأزمات مختلفة في حياتنا سواء علي المستوي الشخصي أو المهني أو العائلي
بنحس أنه اخر العالم و أننا مانقدرش نتجاوز المحن دي
الدنيا بتقفل في وشنا وتضلم
مابنشوفش اي نعم حوالينا و لا بنرتاح لاي كلمه تطبطب علينا
مابنشوفش ولا بنشعر الا بالألم النفسي و يمكن الجسدي كمان
بننعزل عن العالم بنتغير مع نفسنا واقرب ناس لينا بنتصرف وكأننا اغراب عن نفسنا
شعور دائم بعدم الراحه وضيق في النفس
وغيرها من المشاعر المختلفه
علي الرغم انك بسبب المحن بتتعلم أمور كتيره يبعد عنك ناس بتشوفها ع حقيقتها ويقربلك ناس تانيه ماتتخيلش أنهم بيحبوك كده
و دايما داخل كل محنه منحه بتعرفها مع الوقت و تدرك حكمه ربنا ورحمته بيك
هقولك شويه افكار تساعدك تتجاوز اوقات الاكتئاب بعيدا عن الادويه أو الخطط العلاجيه
امور بسيطه قوي تقدر تساعدك بشكل كبير
زي ايه
الصلاه في وقتها -ترتيب غرفتك باستمرار -التخلص من الكراكيب و اللبس القديم-ذكر الله انتظم علي ذكر او ٢ محببين ليك و استمر لفتره عليهم وخصص لهم وقت ثابت خلال يومك الا بذكر الله تطمئن القلوب -القراءه في موضوع يهمك -اطبخ بنفسك اكلات بتحبها واصنع مود وجو مرح بسيط وانت بتعمل اي نشاط في البيت -اشرب حاجه بتحبها واقعد في مكان بيريح اعصابك في البيت -اتكلم والعب مع اولادك و عيش معاهم طفولتهم وانسي المسؤوليات شويه -اقعد في مكان مفتوح شم هواء و بص للسماء و شوف أشجار وخضره – اسمع قرآن سور قريبه من قلبك و أنصت لها تدبر معانيها -امشي واتحرك أو اجري حرك جسمك تجديد الدوره الدمويه بتأثر علي الحاله المزاجيه للاحسن -اتكلم مع ربنا في مكان مفتوح تشوف منه السماء و أشعر أن مافيش اي حواجز بينك وبين ربنا وأنه قريب منك في اي مكان واتكلم معاه بصوت مسموع وقول كل اللي في قلبك-ساعد غيرك بأي شي بسيط -اهدي أحبابك هديه ولو بسيطه عبر بيها عن حبك وامتنانك ليهم- اتكلم مع ناس كبيره في السن واسمعلهم ولتعلم منهم – حب نفسك -حب غيرك -ارحم نفسك وغيرك – سامح قد مانقدر ونضف قلبك بالقرب من ربنا ومن نفسك ومن احبابك -التمس العذر -اقبل الاعتذار -خالي عندك حسن ظن كبير وفوت كتير وريح بالك من التفسير- ماوشغلش بالك بأي شي برا سيطرتك وابعد عن السلبيات قد مانقدر كلنا محتاجين ده في الوقت ده
وافتكر دايما أن الحياه أقصر مما تتخيل
اللي يبعد يبعد
اللي يزعل يزعل
اللي عاوزك هيتمسك بيك هيتمسك يكون جنبك
الدنيا بسيطه بسطها علي نفسك وعلي دايرتك القريبه
اصنع ذكريات ليك وليهم تهون عليك وتونسك وتصاحبك في أوقات انهيارك
دمتم سعداء منعمين
بسمه سامي فاروق
Nice blog here! Also your site loads up very fast! What host are you using? Can I get your affiliate link to your host? I wish my site loaded up as quickly as yours lol
يمكنك التواصل عن طريق الايميل الخاص بالمجلة