المجلة العلمية اهرام مجلة مستقلة تحت إشراف هاني سلام
ده نوع اضطراب نفسي موجود ومنتشر اكيد في دايره معارفك في شخص بيتكلم بعفويه شديده و يعك في الكلام واخر بهدله مشاكل كتيره بيعملها بسبب عفويته الزياده عن اللزوم
الفكره هنا ومربط الفرس في زيادة عن اللزوم د
الجانب الإيجابي في الشخص ده هو ان قلبه ابيض جدا جدا فوق ماتتخيل وفعلا اللي في قلبه علي لسانه مش خبيث اطلاقا بيتازل كتير جدا عن حقوقه و بيفوت ويكبر دماغه طول الوقت مهما حد ضغط عليه لطيف جدا مع الناس متواضع وخفيف الظل ومرح جدا جدا
الحانب السلبي مصيبه كارثي بقي
عشوائي جدا بيتدني و يفقد هيبته بسهوله جدا شكله الإجتماعي ووجهته مش في حساباته مطلقا سهل قوي الناس تغلطه بيوقع نفسه في مشاكل ملهاش عدد
بيقرب من كل الناس ب انواعها من غير اي حدود وده بيعرضه للاستغلال العاطفي والمادي والنفسي
مهزوز و ضعيف الشخصيه سهل قوي اي حد يسيطر عليه
مايعرفش قيمه نفسه اطلاقا متعب جدا لاهله والناس القريبه منه
كثير الشكوي و الشكوك مش ثابت ابدا لا علي راي ولا علي مبدأ
نيجي للاسئله الشائعه حوالين الاضطراب ده
هل اي شخص عنده الاضطراب ده بيحمل نفس الصفات السلبيه والإيجابية ؟
لا دي نسب حسب الحاله وبتبان في التشخيص ومع الجلسات النفسيه
هل الشخص ده ممكن يتعالج ويبقي سوي ؟
اه ممكن جدا لو هو نفسه مقتنع انه بيعاني من مشاكل نفسيه بتسببله عدم استقرار نفسي ومشاكل في حياته لا قادر يعيش مرتاح ولا قادر بكون علاقات سويه
عشان يقدر ياخد خطوه العلاج بشكل جاد
ليه الشخص ده بيتصرف بالشكل ده ؟
لانه بيخاف من الفقد عاوز يكون وسط اكبر عدد من الناس تحسسه بالحب والاحتواء والإمان والقبول و للأسف مش بيلاقي ده ف حالته بتسوء اكتر و بيقع في مشاكل نفسيه واجتماعية اكبر
امتي الناس بتسامح الشخص ده و تتجاوز مشاكله ؟
لو بيحبوه و قابلينه زي ماهو كده
اللي بيحبك هيبقي فاهمك ومقدرك وعارف شكل قلبك من جوه
اللي مش بيحبك حتي لو مبين انه بيحبك عمره ماهيفهمك ولا هيقدرك و هيفضل يزعل ويشيل ويغتابك وعمره ما هيتقبلك
اي اضطراب او مرض نفسي ممكن يتمكن جدا من صاحبه و حقيقي الشخص ده بيتعذب نفسيا لاقصي درجه طول ما هو بعيد عن ربنا
القرب من ربنا هو سر السعاده و الراحه في الدنيا
اه مانقدرش نعيش لوحدنا اطلاقا
لكن ربنا لو بعيد عنك و الدنيا لهتك والناس لهتك و الحياه لهتك هتغرق فيهم و هتبعد اكتر وكل ماتبعد عن ربنا هتغرق في المشاكل اللي هتدخلك في مشاكل وامراض نفسيه من اوسع الابواب اكتر واكتر
خلي مقياسك هو مدي قربك من ربنا
لو بعيد عمرك ماهترتاح ولو مرتاح وانت بعيد دي كارثه انت كده خارج النطاق الطبيعي اصلا
ف مقياسك هو مدي قربك مدي شعورك بالامان والطمأنينة من مصدر الامان والاطمئنان ربنا سبحانه وتعالى
بسمه فاروق
