المجلة العلمية اهرام مجلة مستقلة تحت إشراف هاني سلام
كتب مدحت كمال الدين
على مدى اكثر من 25 سنة و انا اتابع برامج كثيرة يظهر فيها شخصيات معروفة لها مكانة علمية و منهم رواد فضاء يتحدثوا عن وجود اتصال بين الحكومة الامريكية و سكان كواكب اخرى و اماكن سرية ممنوع الاقتراب منها و يسمح فيها باطلاق النيران للقتل لا لمجرد التهويش والارهاب ضد اى شخص يحاول الاقتراب من هذه المناطق و هناك برامج وثائقية كثيرة عن هذا الموضوع و تظهر فيها يافطات مكتوب عليها Deadly Force Is Allowed – يعنى الموضوع مش هزار و على درجة سرية عالية لا يحصل عليها اى فرد فى الحكومة الامريكية ولا حتى رئيس الجمهورية , و ده يعتبر امر غريب و لكن هى دى الحقيقة…..
نسمع يوميا عن اطلاق اقمار صناعية لاستكشاف مجرات و كواكب و اجسام سماوية. مشاريع الفضاء تتكلف بلايين و قرأنا مؤخرا ان الصين لديها برنامج فضاء نشيط و ارسلت مركبات هبطت فى مكان ما من القمر, و الهند كذلك تنشط فى مجال الفضاء, فما السبب لكل هذا النشاط و مش معقول تكون الدول دى عندها فائض من الاموال محتارة تعمل بها ايه فتنفقها على برامج فضاء مكلفة – هذه المركبات الفضائية تحتاج انفاق باهظ و ابحاث للوصول لتكنولوجيا متقدمة لان الفضاء قاسى جدا من ناحية درجات الحرارة و الاشعاعات و النيازك التى ترتطم بسفن الفضاء والاقمار الصناعية التى يجب حمايتها من كل هذا و التغلب على كل هذه التحديات الفنية لتمكين المركبة الفضائية سواء كانت قمر صناعى او Robot من الوصول لهدفها و تحقيق الغرض من اطلاقها فى الفضاء او ارسالها لكوكب….
حسب آخر تقدير, هناك 2 تريليون مجرة, اى 2,000,000,000,000 مجرة مثل المجرة الموجودة فيها شمسنا و ما يدور حولها من كواكب واقمار – كل مجرة فى المتوسط تتكون من 30 بليون نجم والنجم هو شمس اكبر او اصغر من شمسنا, 30,000,000,000 نجم تنبعث منها الحرارة مثل شمسنا و اشياء اخرى كثيرة –
فلو افترضنا انه فى المتوسط يدور حول كل نجم عشر كواكب لتسهيل الحساب, الشمس مثلا يدور حولها 9 كواكب و يقال انهم 11 و هناك كلام عن الكوكب الثانى عشر NIBIRU فى مدار مائل عن المدارات التى تدور فيها كواكب المجموعة الشمسية
و ده موضوع تانى و حكاية, انما لو افترضنا ان عدد الكواكب فى المتوسط هو 10 كواكب, يبقى عدد الاجسام السماوية الصلبة, غير النجوم فى المجرة الواحدة هو 300 بليون , 300,000,000,000 جسم سماوى فى المجرة الواحدة –
طيب كل كوكب بيدور فى فلكه قمر او اكثر او بدون اقمار يعنى المريخ يدور فى فلكه قمرين, المشترى اربع اقمار الارض قمر واحد و هكذا فلو افترضنا فى المتوسط قمرين يدوران حول كل كوكب يبقى عندنا كمان 600 بليون, 600,000,000,000 جسم سماوى بالاضافة لل 300,000,000,000 كوكب فى المجرة الواحدة يعنى 900,000,000,000 جسم سماوى فى كل مجرة, يبقى فى 2 تريليون مجرة يكون عندنا, 190,000,000,000,000,000,000,000 جسم سماوى فى السماء الدنيا كما نسميها –
يبقى لو طبقنا نظرية الاحتمالات نقول 1 فى ال 1000 من هذه الاجسام ممكن يكون على مسافة مناسبة من النجم الذى تدور فى فلكه اللى هو شمس تعطى طاقة حرارية بحيث ان ظروف الضغط و الحرارة تسمح بوجود حياة كما نعرفها, بلاش 1 فى ال 1000 نقول 1 فى البليون يعنى 1 فى ال 1,000,000,000 يبقى على كده هناك حوالى 190تريليون جسم سماوى, 190,000,000,000,000 ممكن تنشأ عليه حياة كما نعرفها – الخلاصة, ان مش معقول كل العالم ده مخلوق علشان الانسان اللى فى كوكب الارض على شمال المجرة اللى كوكب الارض فيها يعنى الارض مش حتى مركز الكون, مجرد جسم من 190,000,000,000,000,000,000,000 جسم سماوى فى السماء الدنيا…..
بالتأكيد لا يمكن يكون العالم ده كله مخلوق للانسان – طيب الكواكب و المجرات التى نراها بالتليسكوبات لو مفيش فيها حياة, يبقى ربنا خلقها ليه, لقى عنده شوية حجارة فايضة من الارض فعمل بها كل الاجسام السماوية دى, مش معقول طبعا – الموضوع كبير جدا و فى امريكا و اوروبا برامج كثيرة للتمهيد بوجود مخلوقات ذكية اخرى غير الانسان و باعتراف عسكريين امريكيين اشهرهم Colonel Corso اللى شرح قبل وفاته عما تم من ابحاث هندسة عكسية Reverse Engineering فى معامل كثيرة فى جامعات و شركات امريكية لفهم كيف تعمل اجزاء من اطباق طائرة سقطت و حصلنا عليها وهناك تكنولوجيا حصلنا عليها من هذه المخلوقات و نستخدمها فى حياتنا اليومية مثل الترانزيستور و ال Fiber Optics و ال Microprocessors المستخدمة فى الكمبيوترز و اشياء كثيرة و الدوائر اللالكترونية المتكاملة Integrated Circuits و نظارات الرؤية الليلية Night Goggles و اشياء كثيرة لها تطبيقات عسكرية مثل ال Kevlar الذى تصنع منه البدل الواقية من الرصاص Bullet Proof Vest – الموضوع فعلا كبير و لازم ننتبه له و ……..
و لنا عودة لهذا الموضوع لو فى العمر بقية باذن الله….
