المجلة العلمية اهرام مجلة مستقلة تحت إشراف هاني سلام
#تجهيزات_الدراسه
الجزء الثاني
تجهيز طفلك نفسيا قبل الدراسه بيكون عامل مهم قوي لاستعداده للمدرسه و للتعامل مع زمايله سواء داخل جديد اول سنه ليه او في مرحله اكبر
١- معرفه طفلك بميعاد بدايه العام الدراسي و مناقشتك ليه عن الدراسه قبلها بفتره بيديله الثقه وأنه شخص مسؤول متشاف بتحسي بيه بتشاركيه بتوعيه بتتعاملي معاه أنه شخص كبير مهما كان سنه
٢- هتتناقشي معاه ف ايه عن الدراسه
اتكلمي مع طفلك عن نفسه اولا لانه اهم اهم اهم من اي حاجه تانيه
اتكلمي عن أدواته هتاخد معاك كذا و كذا ممكن نجيب كذا تعرفي هو عاوز ايه و حسب الإمكانيات و الاهميه هتوفريله أدواته
هتلبس يونيفىوم لونه كذا أو هنلبس اليونيفورم بتاع السنه اللي فاتت لو في حاله جيده و نفس اللون و نفس المقاس تقريبا وتوضحيله ليه ممكن ماتجددوش اللبس
لو في ظروف ماديه معينه شاركيه فيها بدون تفاصيل تخوفه أو تحسسه بعدم الأمان
لو في امكانيه للتجديد ممكن نقترح أنه يدي لبسه المستخدم بعد ما ننضفه ونعطره لشخص تاني ونساعده
ودي فرصه تعرفيه اهميه مساعده الاخرين و ثوابها عند ربنا ايه و نتائجها عليه ايه
اللانش بوكس وتخليه يقترح عليكي انواع فطار بيحبها بدون مبالغه طبعا راعو ظروف غيركم و اطفال غيرهم ونفسيتهم
اتمني المدارس توحد الوجبات قدر الإمكان زي اليونيفورم
لما تكلميه عن النقط دي بحماس وحب ده هيكون مدخل لطيف انك تتكلمي معاه في نقط تانيه مهمه تخص فتره الدراسه لانه ب كده اطمن ع اختياجاته الشخصيه و توفرها ومافيش اي مفاجات مش ظريفه ممكن يتعرضلها
٣-اتكلمي معاه عن زمايله ( عنصر المشاركه والدمج) أنه هيقابل أصحاب جداد لو اول سنه ليه او هيقابل نفس أصحابه وأصحاب جداد بردو لو في مرحله اكبر
وأنه هيتعلم و هيلعب معاهم و يقضي وقت مفيد و يتبسط خلال اليوم
مهم تتكلمي معاه عن احترام باقي أصدقاءه مانتنمرش ع حد سواء شخص مختلف عننا من اصحاب الهمم أو شخص مختلف عننا من حيث السلوك احنا بنحترم بعض دايما حتي لو مختلفين
مهم تتكلمي معاه عن مساعدته لاي زميل ليه محتاج مساعده
محتاج ادوات منه ع سبيل المثال ممكن تديهاله واول ما يخلص اتاكد انك اخدتها منه
بلاش تتعصبي عليه أو تضربيه أو تتنمري عليه لو ساعد زميل ليه و زميله كسر حاجه او اخد حاجه
احتوي الموقف و فهميه أنه مهم يساعد الناس في نفس الوقت مهم يحافظ ع حاجته
مهم تتكلمي معاه ف نقطه الدفاع عن النفس اكتر نقطه بتهم الامهات و بيسالوني فيها
ازاي يدافع عن نفسه
ده بيرجع لتعامل حضرتك ليه في البيت
لو بيضرب في البيت هيضرب برا البيت ولو بيضرب في البيت ومش بيضرب برا البيت هيولد عنده كبت وعنف لاعلي نسبه مش هتتوقعي تصرفاته في اولاد بتسرق و تنحرف بسبب كده بدون الدخول في تفاصيل مرضيه
ماتسمحش لحد يضربك جسمك ماحدش يلمسه نهائي لا ضرب ولا باي شكل
امسك ايده قبل ما يضربك و خد موقف معاه أو حتي زعقله وماتخليهوش يضربك
الجأ للمدرس أو المدرسه و عرفها
بناءا ع موقفها هيتم اتاخد موقفك انتي ولازم تدعمي طفلك و ماتتجاهليش و لازم اللي بيتعرضله يعتذرله و تصري ع ده مهما كان
كله هينعكس ع نفسيته
مهم تتكلمي معاه عن الشجاعه
الشجاعه والقوه مش في الضرب وان اللي بيضرب ده ضعيف عنده مشاكل كبيره مش محبوب ومرفوض
ومش عيب اروح المدرسه أو المدرس لو حد ضايقني لأن أغلب الاطفال مش بتطلب المساعده لأنهم فاهمين أن ده ضعف وعيب
٤-خليكي قويه الملاحظه ولاخظي رد فعله ايه وهو بيتكلم معاكي عن المدرسه
هل هو exited ولا خايف ولا كاره ولا ايه
لان كل رد فعل وراه تفسير وأثر هو اتعرضله و ده انعكاسه
٥-اياكي و المقارنات بينه وبين اي شخص
٦-المشاكل الاسريه و الزوجيه بتأثر ع نفسيه الاطفال و حتي المراهقين وقت الدراسه
٧-تجنبي اي كلام سلبي زي انت فاشل انت مش نافع انت هتسقط انت غبي
و بديله ب انا واثقه فيك انت قدها انت يجي منك انت تقدر حتي لو حضرتك مش شايفه كده
مع الوقت هيصدق اللي بيتقاله سواء سلبي او ايجابي وهيكون النسخه دي اللي انتي قررتي تحدديهاله وفاكره أنه كده هيتحمس
٦-تاخدي بالك من مواعيده الدراسيه
سواء بيتاخر الصبح أو بتتاخري عليه في خروجه
ال ٢ بياثرو ع حالته النفسيه و ثقته في نفسه
٧-مظهرك ثم مظهرك المدرسه مش بتتراح بالاسدال و لا بأي لبس متبهدل لانه مشوار سريع مش مهم ف العربيه او قريب أو اي مبرر
مظهرك قدام زمايله بيفرق جدا في نفسيته فوق ما تتخيلي أو تشوفيها بسيطه أو صغير ومش فاهم لا بيتاثرو
٨-اي معلومات عنه وعن أسرته لازم يكون عارفها منك كويس
٩-اتكلمي عن الممنوعات زي أنه ممنوع يمشي مع اي حد ممنوع ياخد اكل او شرب أو يشم حاجه من حد مهما كان
ممنوع يدخل اوضه أو فصل لوحده مع حد
ممنوع حد يمسكه من جسمه أو يمسك هدومه
وهكذا
١٠- بتمنالكم كل توفيق و سلامه لاولادكم وليكم و لو في اي اقتراحات اكتبوها
قولولي هل النقط دي منطقيه وسهل تنفيذها ولا لا
ورايكم في المقال
واستنو مقال جديد عن الدراسه و المذاكره ……
بسمه سامي فاروق
اخصائي نفسي اكلينيكي
